Nú kann staðfestast, at uppskotið hjá Aksel V. Johannesen, formanni í Javnaðarflokkinum, um ein kringvarpsskatt ikki fær meirluta í Løgtinginum.
Fólkaflokkurin, Framsókn og Miðflokkurin hava sagt greitt, at teir ikki taka undir við einu slíkum uppskoti, og Alfred Olsen, formaður í tingbólkinum hjá Sambandsflokkinum á tingi sigur við Portalin í dag, at Sambandsflokkurin heldur ikki tekur undir við uppskotinum.
Sostatt er eingin meirluti fyri uppskotinum.
