Ein stórur hálvur minuttur ella neyvari sagt 31.04 sekund. Tað var munurin millum fyrra og seinna skotið, tá ið 6-mannaførini við kvinnum komu á mál inni á Vánni í Klaksvík fyri løtu síðani. Harvið ber ikki til at siga, at talan var um kappróður
At litið er rættuliga frískt, sást á tíðini hjá vinnarabátinum. Ofta hava 6-mannaførini við kvinnum vunnið róðrar við tíðum, sum hava verið undir seks minuttir. Í dag var vinnaratíðin hjá Jarnbardi 6.21.08!
Hóast tíðin onkra ferðina hevur verið betri, so tóktist eingin ivi vera um, at tær umborð á Jarnbardi eru í góðari venjing. Hesa ferð kappaðust tær fyrst og fremst ímóti sær sjálvum.
Kollfirðingur var einasti avbjóðarin. Luttøkutalið boðar frá, at kappróðurin millum 6-mannafør við kvinnum mangan hevur havt tað betri, enn støðan nú er.
Norðoyastevna 2007 - 6 mannafør kvinnur
1 Jarnbardur 06:21.08
2 Kollfriðingur 06:52.12
Støðan í FM - 6 mannafør kvinnur
1 Jarnbardur 7
2 Kollfriðingur 5
Fyribils startrøðin á komandi stevnu
1 Kollfriðingur
2 Jarnbardur
G.G.: Tíðirnar eru í 1/25-pørtum.
