Spurningurin um at boða Sameindu tjóðum frá, at føroyingar eru tjóð við sjálsavgerðarrætti, er jarðaður.
Tað kann lesast í svarinum hjá Anfinni Kallsberg løgmanni upp á fyrispurning frá Kristinu Háfoss løgtingskvinnu.
? Viðurskiftini millum Føroya landsstýri og donsku stjórnina eru góð og greið í dag. Eg havi fingið lyfti frá danska forsætisráðharranum, at Føroyar fáa ta skipan, vit ynskja. Í løtuni bendir einki á, at danski forsætisráðharrin ætlar sær at víkja frá lyfti sínum. Við hesum í huga haldi eg, at sum politisku viðurskiftini millum Føroyar og Danmark eru í dag, er einki, sum talar fyri at senda eina fráboðan til ST um stjórnarstøðu Føroya, sigur Anfinn Kallsberg løgmaður.
Løgmaður ger annars greitt, at hvørki samgonguskjal ella nøkur løgtingssamtykt ásetir, at ST skal boðast frá løgtingssamtyktini um sjálvstýri Føroyar fólk, ið staðfesti, at føroyingar eru tjóð við sjálvsavgerðarrætti.
Anfinn Kallsberg heldur ikki, at tað broytt nakað við einari fráboðan til ST, tí viðurskiftini millum landsstýrið og donsku stjórnina eru góð í dag. Viðvíkjandi altjóða felagsskapum og útlondum høvdu neyvan verið nakrar broytingar heldur, tí at samsvarandi altjóðarætti høvdu uttanríkisviðurskifti Føroya framvegis verið umsitin av Danmark.
