Skráin sigur, at TB og HB klokkan 15.30 skulu spæla landskappingardyst í bestu deildini í Trongisvági. Upprunaliga var dysturin ásettur at vera spældur í morgin, men hann var framskundaður til í dag.
Nú er greitt, at tað verður ikki fótbóltur í Trongisvági í dag. Tað er so mikið nógvur vindur, at dómarin Aron Sofus Vest hevur gjørt av, at tað er ikki ráðiligt at spæla fótbólt við Stórá í Trongisvági í dag.
Talan var annars um søguligan dyst á tann hátt, at hetta skuldi vera fyrsta ferðin, at kvinna var ábyrgdarfólk fyri liði í Betri deildini. TB setti í vikuni Helen Lorraine Nkwocha at vera nýggjan venjara hjá besta liðnum. Hon hevur verið høvuðsungdómsvenjari hjá TB.
##med2##
