Badmintonspælararnir hjá Jersey og Føroyum deila so eina jaliga uppliving.
Spælararnir hjá báðum liðum eru samdir um, at tey hvør í sínum lagi hava ongantíð upplíva ein slíkan róm og stuðul, sum tey upplivdu í New Gilson Hall. Niclas Eysturoy staðfesti eisini í samrøðu við Rás2/in.fo, at hann hevði ongantíð upplivað nakað líknandi, har larmur og stuðulsróp vóru at hoyra frá bæði heimafólkunum, og fitt av føroyskum áskoðarum gjøgnum alla finaluna, har Jersey tepurt knógvaði Føroyar 3-2 í finaluni í liðkappingini í badminton.
Mariana Agathangelou, sum hevur verið á enska badmintonlandsliðnum slær fast yvirfyri BBC Jersey, at hon hevur ongantíð upplivað nakað líknandi. Hóast føroysku áskoðararnir, sum vóru í undirtali rættiliga ofta doyvdu áskoðararnar hjá Jersey, so staðfestir Mariana Agathangelou, at tað vóru áskoðararnir hjá Jersey, sum bóru liðið teimum til oyggjaleikagullið í liðkappingini í badminton.
