Andreas Mouritsen, tyrluflogskipari hjá Atlantic Airways hevur tikið túsindtals loftmyndir gjøgnum tey seinastu árini. Nú hevur hann savnað 180 av teimum í eina snotuliga myndabók nevnd "Á veingjum".
Talan er um eina ógvuliga fjøltáttaða myndabók við motivum úr øllum landinum, sum eru tiknar í ymiskum veðurlagi, og í ymiskum árstíðum. Partur av myndunum eru svart/hvítar.
Andreas Mouritsen vitjaði Rásarúmið til eitt prát í morgun. Undir prátinum legði hann dent á, at myndabókin er fyrst og fremst ætlað føroyingum, sum ikki hava havt møguleikan at uppliva sítt vakra land úr loftrúminum. Higartil hava fólk tikið væl undir við bókini.
TRÝST á PÍLIN undir MYNDINI, og hoyr Andreas Mouritsen greiða frá.
