Nú er ein maður afturat fyribils fongslaður í fýra vikur fyri ránið uttanfyri deildini hjá BankNordik íu Húsagøtu í Havn mánakvøldið.
Hann varð skuldsettur í gjárkvøldð og skuldsettur fyri at hava verið annar av ránsmonnunum. Tað er forboð fyri at endurgeva úr rættinum, men maðurin noktar seg sekan.
Les eisini: Ein maður afturat handtikin í ránsmálinum
Hann var í grundlógaravhoyring nú seinnapartin, og har varð hann fongslaður í fýra vikur.
Í gjárkvøldið varð ein annar maður eisini fongslaður í fýra vikur fyri ránið, men hann játtaði seg sekan.
Les eisini: Fongslaður í fýra vikur fyri rán í Havn
Tað var tá ið ein genta var á veg úr SMS yvir í bankan við kassapengunum úr matstovunum í sølumiðstøðini, at tveir mans í masku, lupu á hana og rændi nakrar fáar túsund krónur frá henni.
Síðani hevur løgreglan kannað málið. Ífyrstu syftu vórðu tríggir mans skuldsettur, men tveir av teimum vórðu leyslatnir aftur eftir rættarfundin í gjárkvøldið. Men nú sita sostatt tveir mans varðhaldsfongslaður fyri ránið og hesar næstu vikurnar skal løgreglan so brúka til at útgreina málið.
|
