Eyðun á Borg
Løgið, men eg helt meg ikki hoyra hann nevna ta einføldu orsøkina: Vit siga ølin hon, tí vit hugsa um fløskuna (kvennkynsorð). Tað sama er galdandi fyri eina sodavatn, sjálvt um vatn er hvørkikynsorð.
Ein lurtari segði seg í eini viðmerking fegnast um , at hesin málfrøðingurin var sloppin framat í Útvarpinum. Orsøkin mundi vera, at hann ikki var so ósamdur við máldálkararnar.
Annar lurtari segði í eini viðmerking: »Ikki gjørdist eg stórt klókari av hasum ølprátinum, men tað verður tú sjáldan av øli.« Væl sagt!
BLANDINGSMÁL: Í øðrum máltátti segði hesin sami málfrøðingur: »Føroyskt er eitt blandingsmál, um vit vilja tað ella ei.« Ja, sum nógv málbera seg, er føroyskt vissuliga ofta ein skurvblandingur av føroyskum og donskum, men tað eigur at fáa okkum, ikki minst málfrøðingar, at hjúkla um málið.
Ikki haldi eg tað søma seg fyri málfrøðing í máltátti Útvarpsins at brúka hesi orð: massi, bestemma, deila.
á Borg á altjóða móðurmálsdegi, grýlukvøld í torrasól 2012
Við reinførismálkvøðu.
