Tað gongur stundum hart fyri seg millum mann og konu, og leygarnáttina vendu tvær kvinnur sær til politiið og meldaðu menn sínar fyri harðskap.
Annar tilburðurin var í Havn. Maðurin, sum var í 40-árunum, hevði sligið konu sína i andlitið við knýttum neva, og hon fekk eina tveir cm langa rivu oman fyri aðra eygnabrúnna.
Kvinnan, sum var gjøgnumbankað, varð løgd inn á Landssjúkrahúsið til kanningar.
Hetta hendi leygarnáttina, tá klokkan var farin av eitt.
Trý korter seinni ringdi ein kvinna í Sørvági til politiið og boðaði frá, at maður hennara hevði sligið skrætt klæði hennara og sligið hana í gólvið.
Henda kvinnan var ikki so illa viðfarin sum hin fyrra.
