Sosialurin.fo

Ein áheitan á Føroya fólk

Havi lisið bókina »Gatefolk og Fyrlysmennesker«, og haldi eg, at henda bók gevur okkum eitt sindur at hugsa um. So kom mær í huga, at kanska vit eisini kundu hjálpt eitt sindur. Jólini eru í hondum, og royna vit eftir førimuni at geva jólagávur, ið hvussu so er til okkara nærmastu. Hvat um vit, sum í mun til mong onnur hava tað gott, í ár eisini geva eina jólagávu til tey, sum liva á gøtuni í Oslo. Eg ivist onga løtu í, at Erna og Njál høvdu verið fegin um eina hjálpandi hond úr heimlandi teirra.

Tað er í Føroya Sparikassa stovnað ein konto, har øll eftir førimuni kunnu gjalda pening inn. Kontoin stendur í navninum hjá »Fyrlyskorpset, Uttegate 16 A, oslo v/Ernu og Njál Djurhuus«. Peningurin, ið kemur á hesa konto, fer ikki til Frelsunarherin, men óskerdur til Fyrlyskorpset i Urtegate 16 A, og einans tey kunnu taka pening út av hesi konto.

Kontonummari er: Føroya Sparikassi 9181 - 1286120

Vónandi kemur eitt sindur av peningi á hesa konto, so Erna og Njál kunnu gera jólini eitt sindur hugnaligari fyri tey, sum einki heim og onga familju hava at hugna sær saman við um jólini.


Blíðar heilsanir

Sverri Djurhuus

Mest lisið

Myndir: FSF-fótbóltsskúli

Myndir: Javnleikur í Runavík

Ein serstøk uppliving í Leirvík

Framdu eitt av aldarinnar brøgdum - FØROYAR ERU Í U21 HM-FJÓRÐINGSFINALUNI

Hans Edward er kokkur umborð á Gadus