Eg segði tað beinanvegin, at her vóru ov nógv ógreið viðurskifti. Tá landsstýrið ikki klárar at selja boðskapin betur, so verður hetta úrslitið, segði Heðin Mortensen, borgarstjóri í Havn við útvarpið í kvøld.
Borgarstjórin í Havn hevur einki ímóti størri eindum.
Borgarar í Tórshavnar kommunu hava ikki fingið at vita, hvat tað inniber, at eitt nú eldraøkið og skúlaøkið verður lagt út til kommunurnar at umsita. Eg vil hava at vita, hvat tað merkir fyri útjavning frá Havnini, ella blokkstuðulin, segði Heðin Mortensen í kjaki í útvarpinum í kvøld.
