Ungarski landsliðshópurin, sum í annaðkvøld skal dystast ímóti Føroyum í fyrsta dystinum í nýggju HM-undankappingini, kom til Føroya í gjárkvøldið
Í dag hevur mangt og hvat verið á skránni hjá ungarska hópinum, men ikki kann sigast, at veðrið hevur tikið væl ímóti gestum okkara.
Les eisini: Ungararnir eru komnir
Umframt venjing og tíðindafund, so hevur ungarski hópurin eisini verið ein stuttan túr í havnargøtum.
- Landsliðsleikararnir vóru mánadag seinnapart á havnalagnum í føroyska høvuðsstaðnum, ein hálvan tíma langan gongutúr. Ógvuliga óinnbjóðandi, vátt og kalt veður, skrivar ungarska fótbóltssambandið á facebook.
Landsdysturin ímillum Føroyar og Ungarn verður á Tórsvølli í annaðkvøld kl.19.45. Rás2 og in.fo hava beinleiðis frásøgn frá dystinum.
