Tey síðstu árini hevur húsvognamentanin í Føroyum veruliga tikið dik á seg. Væl yvir 200 húsvognar eru í landinum, og eitt av høvuðstreffunum hjá somu húsvognum er á Summarfestivalinum.
Aftan fyri Stóra pall er økið, har húsvognarnir standa parkeraðir. Einir 230 húsvognar eru savnaðir her, og her er nógv lív í. Á ein hátt tykist tað, at kampingøkið livir sítt egna lív og einki hevur við Summarfestivalin at gera.
Børn spæla vatnkríggj, pápar koma frá Bónus við fullum innkeypsposum, harmonikumenn spæla syngið við tónleik. Nógv hendir millum húsvognarnar hetta vikuskiftið. Fólk sita bæði innanfyri og uttanfyri, har summi grilla, onnur heingja klæðir upp at turka, meðan onnur gera okkurt heilt triðja.
Jú, sanniliga er kampingøkið sum ein býur í býnum.
