Leygarkvøldið koppaði ein bátur út fyri strondini í Florida. Nú leita bjargingarlið eftir 39 fólkum, sum ikki eru komin afturíaftur.
Tað skrivar amerikanska sjóbjargingartænastan á Tvitter.
Sjóbjargingartænastan gjørdist greið yvir, at ein bátsvanlukka var hend, tá fólk sóu ein mann sita á kjølinum á einum koppaðum báti.
Tíðindastovan cbsnews.com veit at siga, at maðurin á kjølinum fortaldi, at hann var farin úr Bahamas saman við 39 øðrum.
Maðurin segði eisini, at báturin var koppaður, tá veðrið gjørdist vánaligt á leiðini, har tey vóru stødd.
Sambært cbsnews.com var eingin í bjargingarvesti, og Sjóbjargingartænastan stúrir fyri, at fólkini í bátinum eru offur fyri mannasmugling.
