Í eina tíð hevur verið arbeitt við at útvega teimum ungu á Eiði eini ungdómshús. Nú er fyrsta stig tikið á hesi leið.
Eftir uppskoti frá trivnaðarnevndini í kommununi, samtykti bygdaráðið at leiga eini høli í bygdini til ungdómshús.
Talan er um hølini hjá fyritøkuni Glarlist, hagar tey ungu fara at kunna leitað sær og hugnað sær saman.
- Ætlanin er at fara til verka sum skjótast, sigur Tom Joensen, formaður í trivnaðarnevndini.
