Eg skal beinanvegin vera samdur í tí, at norðoyatingmenn hava staðið saman við mær við Sandoyartunlinum. Eg biði og hopi, at vit koma á mál við hesum, sum er altavgerðandi fyri suðurøkið í Føroyum.
Norðoyggjar
Norðlýsið eigur ikki at gloyma, at nettupp Gerhard Lognberg hevur arbeitt hart fyri trygdarmiðstøðini og stuðlað norðoya tingmonnum í øllum málum norðoyggja til frama. Ikki minst tá fiskidagar hava verið fyri, jú eg havi gott vinarlag við norðoyatingmenn.
Eitt heilt annað er, gekk Aksel V Johannesen heldur ivasamt um sannleikan, tá hann á middegi í dag segði, at hann hevði ikki hoyrt, at umsitingin hjá sjúkratrygdini skuldi leggjast í Sandoynna. Tað passaði ikki sum Aksel segði, tí eg fekk at vita, fyri tað fyrsta, stóð hetta mál ikki á skrá fyri fundin.
Tá Aksel bar hetta upp á mál, segði formaðurin í tingbólkinum John Johannesen við Aksel, at munnlig avtala var at henda umsiting skuldi liggja í Sandoynni. Hann segði víðari, at hetta fór Gerhard ikki at góðtaka, men landsstýrismaðurin hevur síðsta orðið.
Heilt erligt, hvat er meiningin.
1. Skrivstovan hjá Taks varð niðurløgd fyrst í hesum árinum og løgd í Norðoyggjar. 3 arbeiðspláss.
2. Talan er um at niðurleggja kynsbótastøðina í Skopun. 5 arbeiðspláss.
3. Sandoyartunnilin.
4. Havnin í Skúvoy.
So eg hopi, at norðoyggjar skilja mína støðu og ynski eg norðoyggjum alt tað besta, men tann viðferð, Sandoyggin fær, er undir alt lámark.
Tá talan hevur verið um kommunuálitið, ja tá vóru serfrøðingar, um teir kunnu kallast so, samdir í at Sandoy skuldi fáa neyðhjálp.
Vit hava brúk fyri almennum arbeiðsplássum, so fólk við útbúgving flyta aftur í Sandoynna.
