Tað sigur nýggi landsstýrisformaðurin í Grønlandi, Jens-Frederik Nielsen, eftir at forkvinnan í øðrum stjórnarflokki, Siumut, Vivian Motzfeldt, fyrr í dag fanst at Mette Frederiksen fyri at koma á vitjan í Grønlandi, áðrenn nýggja landsstýrið var farið til verka.
– Eg havi biðið forsætisráðharran um, at ætlaðu fundirnir verða hildnir. Sum komandi formaður í grønlendska stjórnini gleði eg meg til konstruktivan dialog um okkara framtíðar samstarv, skrivar Jens-Frederik Nielsen á Facebook.
– Eg skal eisini leggja dent á, at tær útsagnir, sum hava verið um komandi vitjan, ikki endurspegla støðuna hjá komandi landsstýrinum, sigur Jens-Frederik Nielsen.
