Ert tú spentur til sólarmyrkingina?
- Eg hugsi ikki um tað til dagligt, men vænti, at eg gerist spentur, tá løtan kemur, sigur Henrik Hammer, skipari á Norrønu.
Hvar fert tú at verða, og hvat fert tú at gera fríggjamorgunin?
- Eg fari at verða heima á altanuni hjá mær sjálvum, um veður verður til tað.
Skilir tú, at útlendingar í stórum tali koma til Føroya at síggja hesa sólarmyrking?
- Ja, tað skilji eg, tí áhugamálini hjá fólki eru so sera ymisk. Hetta síggja vit ikki minst í ferðavinnuni.
Hevur tú upplivað/ hoyrt um aðrar sólarmyrkingar?
- Nei, eg havi ongantíð upplivað eina sólarmyrking, men eg havi hoyrt eitt sindur um sólarmyrkingina í 1954, sigur Henrik Hammer.
