Eg veit, at hetta er ein stór og krevjandi uppgáva, men tá ið møguleikin var har, takið eg fegin av. Tað sigur Magnus Rasmussen, sum nú er landsstýrismaður í umhvørvis- og vinnumálum eftir at Helgi Abrahamsen legði frá sær í morgun.
Magnus Rasmussen sigur, at hann er spentur upp á at fara til verka og tað fyrsta hann fer at gera, er at stinga fingurin í jørðina og at seta seg inn í tey mál, sum arbeitt verður við.
Magnus Rasmussen sigur, at hann følir seg væl fyri til at fara í landsstýrið, tí hann hevur verið borgarstjóri og løgtingsmaður.
Magnus Rasmussen varð fyrstu ferð valdur á Føroya løgting í 2015. Hetta samgonguskeiðið hevur hann verið formaður í Løgtingsins fíggjarnevnd. Hann var eisini borgarstjóri í Runavíkar kommunu frá 2009 til 2015.
Magnus Rasmussen er 58 ára gamal. Hann er giftur við Eydnu Rasmussen og tey eiga tvey børn.
