Belgiska løgreglan hevur eftirlýst ein mann í samband við yvirgangsálopini í Brússel í morgun.
Talan er um mann, ið eitt vakmyndatól á flogvøllinum hevur fangað. Tá var hann ílatin ljós klæðir og svartan hatt.
Mett verður at hann enn er á lívi, og kláraði at rýma frá flogvøllinum aftaná, at tveir aðrir menn, ið hann fylgdist við, høvdu sprongt seg sjálvar í luftina.
Seinni myndin vísir teir tríggjar, tá teir ganga inni í floghavnini.
Løgreglan hevur, hóast fleiri húsarannsóknir, enn ikki fingið hendur á honum.
Belgiski uttanríkisráðharrin, Didier Reynders, sigur við AFP, at hann møguliga ikki er einsamallur.
- Vit óttast fyri, at fleiri persónar megnaðu at rýma, sigur hann við AFP.
Álopið á flogvøllin kravdi ellivu mannalív.
