FSF skrivar á heimasíðu sínari, at fyrsta umfarið í Effo-deildini verður spælt longu 1. mars komandi ár.
A-landsliðið hjá monnum hevur seks EM-undankappingardystir á skránni, umframt at U21-landsliðið helst spælir einar fimm ella seks dystir. Tí er neyðut, at kappingin byrjar tíðliga, so sleppast kann undan at spæla dystir alt ov seint í oktober mánaði. Í 2015 verður seinasta umfarið spælt 3. oktober, og eina viku eftir hetta er seinasta landsliðsuppgávan á skránni.
Stórsteypadysturin, sum er millum meistararnar og steypavinnararnar, verður eftir ætlan spældur sunnudagin 22. februar, og eina viku seinni verður landskappingin bríkslað í gongd.
1. umfar í EFFO-deildini verður sunnudagin 1. mars, meðan seinasta umfar áðrenn steðgin verður spælt fríggjadagin 28. juni.
Eftir steðg í ein góðan mánað, byrjar kappingin aftur sunnudagin 26. juli, meðan 27. og seinasta umfar í EFFO-deildini verður spælt leygardagin 3. oktober.
