Mánadagin hin 18. august fekk Edvard Petersen handað lærubræv, nú hann er útlærdur húsavørður.
Hann hevur verið í læru hjá Kvívíkar kommunu, og í sambandi við, at hann nú er liðugur, var lítil hátíðarløta saman við starvsfeløgum á kommunuskrivstovuni.
- Útbúgvingin sum húsavørður er ein sera fjølbroytt útbúgving, har tú fært grundleggjandi vitan um umsiting av hita- og ventilatiónsskipanum og el- og vatnveitingum.
Í Kvívíkar kommunu vísa tey á, at undir útbúgvingini verður lært um viðlíkahald av bygningum, at gera smærri umvælingar og at samstarva við handverkarar í samband við størri uppgávur og mangt annað.
- Vit ynskja Edvardi hjartaliga tillukku við útbúgvingini og blíðan byr á yrkisleiðini, siga tey í kommununi.
Lagt verður aftrat, at Edvard Petersen heldur fram sum húsavørður hjá Kvívíkar kommunu.
