EB/Streymur vann seg upp á sætta plássið

EB/Streymur vann seg upp á sætta plássið í Betrideildina hjá monnum við 3-1 sigri á AB inni í Vika á Argjum.

Tað var annars AB, ið kom á odda longu í sætta minutti tá Filip í Liða spældi Brian Jakobsen frían. Brian tók av møguleikanum og so var AB á odda 1-0.

EB/Streymur javnaði til 1-1 tá 24 minuttir vóru farnir av dystinum. Leigusveinurin í EB/Streyms-málinum, Steven Van Dijk kom við einum langum útsparki. Antonio Borrelli í AB-málinum fór fullkomuliga skeivur av bóltinum, ið fór uppum AB-málverjan, og so kundi Filip Djordjevic javna til 1-1, ið eisini var hálvleiksstøðan.

Tað sá leingi út til, at liðini fóru at fáa eitt stig hvør, men tá fimm minuttir vóru eftir av vanligu leiktíðini legði Rani Hansen EB/Streym á odda 2-1 aftaná gott forarbeiðið hjá Mikkjal Hellisá. Í tíðini dómarin hevði lagt aftrat økti Niklas Kruse til 3-1, og so kundu sundalagsfólk stórfegnast um ein kærkomnan sigur.

Í morgin klokkan 15 spæla B36 og TB á ovara vølli í Gundadali í Havn, og samstundis byrjar dysturin í Fløtugerði í Fuglafirði millum ÍF og HB. Klokkan 16 byrjar dysturin á Svangaskarði á Toftum millum B68 og 07 Vestur. 

AB- EB/Streymur 1-3 (1-1)

1-0 Brian Jakobsen (6.)

1-1 Filip Djordjevic (24.)

1-2 Rani Hansen (85.)

1-3 Niklas Kruse (92.)

Kelda: dystir.fo