EB/Streymur-Víkingur 1-4: Málini og samrøður frá FM1

##med2##

Víkingur vann fjórða dystin á rað í Betrideildini, tá teir í Hólmanum á Eiði vunnu tryggan 4-1 sigur á heimaliðnum, EB/Streymi, ið tapti fjórða dystin á rað.

EB/Streymur-Víkingur 1-4 (0-1)

15' 0-1: Sølvi Vatnhamar br.

66' 0-2: Dion Splidt

69' 0-3: Philip Djordjevic

86' 1-3: Ragnar B. Danielsen br.

92' 1-4: Philip Djordjevic

Á ljóðfíluni omanfyri ber til at hoyra frá FM1:

1) Hoyr hvussu tað ljóðaði á FM1 tá frásøgumaðurin, Petur Asbjørn Lervig segði frá teimum fimm málunum, og teimum báðum brotssparksstøðunum, ið vóru í dystinum. Teitur Joensen var viðmerkjari.

2) Hoyr samrøðuna Petur Asbjørn Lervig gjørdi við liðskiparan hjá EB/Streymi, Rógva E. Nielsen, ið harmast um brotssparki Víkingur fekk í fyrra hálvleiki, og at málverjin, Petur Zachariassen fekk reytt kort í støðuni. Tað var hart hjá EB/Streymi at spæla 75 minuttir við 10 monnum.

3) Hoyr samrøðuna Petur Asbjørn Lervig gjørdi við landsliðsspælaran hjá Víkingi, Sølva Vatnhamar, ið heldur, at teir í Víkingi ikki fingu nóg nógv burturúr í fyrra hálvleiki, men tað fingu teir í væl størri mun í seinna hálvleiki. Petur Asbjørn og Sølvi róðu eisini aftur á avrikini hjá landsliðnum móti Spania og Noregi.

4) Hoyr Teit Joensen taka samanum dystin. Samlað ein uppiborin sigur til Víking, men fyritreytirnar hjá EB/Streymi fyri einum frægari úrslitið blivu oyðilagdar tíðliga í dystinum, tá Petur Zachariassen í málinum fekk reytt kort.

Í Runavík syrgdi Klæmint A. Olsen við tveimum málum fyri, at NSÍ vann 2-0 á AB á eystanstevnu. Málini komu í 58. og 76. minutti.

Í morgin klokkan 15 spæla ÍF og HB í Fuglafirði og TB og B36 spæla í Trongisvági. In.fo hevur beinleiðis tekstfrásøgn frá báðum dystunum. 

Sjúrður H. Hoydal sigur beinleiðis frá EM-undankappingardystinum í manshondbólti millum Danmark og Føroyar á FM1. Gunnar Djurhuus verður viðmerkjari. Byrjað verður við upptakt klokkan 16. Øll kunnu lurta eftir sendingini á www.midlar.fo, og annars á FM 88,7, FM 91,7, FM 93,9, FM 95,5 og FM 98,7. 

Støðan í Betrideildini: