EB/Streymur hevur gjørt sáttmála við 20 ára gamla Albert Theis Nielsen, sum kemur úr danska felagnum Hvidovre IF. Tað boðar felagið frá á heimasíðuni í dag.
- Flestu føroyingar munnu neyvan kennast við hetta navnið, men hann er hálvur føroyingur – mamman er úr Sørvági – men hevur hann altíð búð í Danmark. Albert kann spæla á nógvum ymiskum plássum á miðjuni og í álopinum, skrivar felagið og leggur afturat:
- Albert hevur spælt 8 dystir fyri føroyska U17 landsliðið. Seinastu árini hevur hann spælt við ungdómsliðum hjá Hvidovre IF, Fremad Amager og B1908 í Danmark, men hevur nú altso valt at royna seg í EB/Streymi.
EB/Streymur er í løtuni í sumarferiu á sjeynda plássi við sjey stigum. Næsti dystur er á Skála 27. juli.
