Kappingarnevndin hjá FSF fer í dag at gera av, nær útsettu umførini í Formula- og 1. deild verða spældir. – Sjálvandi vilja vit, at dystirnir kunnu avgreiðast skjótast gjørligt. Men vit vilja eisini, at allir dystirnir verða spældir samstundis. Eisini skulu vit taka atlit til, at talan er um umfar í tveimum deildum, og tí verður helst neyðugt við tveimum dystardøgum, um alt skal avgreiðast, sigur formaðurin í Kappingarnevndini, Sveinur Tróndarson.
