- Føroyingar eru ikki limir í ES, og eftir at ES boykottaði Føroyar skilji eg væl føroyingar, sigur Søren Espersen úr Dansk Folkeparti.
Meðan danski uttanríkisráðharrin og flokkurin Venstre finnast at løgmanni, fyri at hava vitjað í Russland, so skilur Dansk Folkeparti væl, at føroyingar eru farnir egnar leiðir í hesum stríði.
- Tað er ein løgni støða, men veruleikin er, at føroyingar eru ikki limir í ES. Føroyar hava greiðar avtalur við ES, og eru ikki partur av hesum stríðnum, sigur Søren Espersen við DR.
Hann sigur, at eftir at ES og Danmark boykottaðu Føroyar í 2013, er ikki rætt at nú finnast at føroyingum.
- Eg skilji væl tað, sum føroyingar nú gera, sigur hann.
- Tað er so ótrúliga dupulmoralskt. Føroyingar vildu selja meira fisk til Danmarkar fyri einum ári síðani, men tað fingu teir ikki loyvi til, sigur Søren Espersen.
Les greinina á DR her:
