Í royndini at finna fram til, hvør er avsendari av dulnevnda blaðnum, sum varð sent í hvørt hús í Havn í gjár, hevur Sosialurin tosað við fyritøkuna Estra í Gøtu.
Les eisini: Heðin veit ikki hvørjum hann skal stevna
Og rætt er, Estra hevur sent blaðið til prentingar. Men Estra tekur ikki ábyrgd av innihaldinum.
- Vit hava nógvar kundar og gera tað vit verða biðin. Vit fyrihalda okkum ikki til, um tað skal vera avsendari á ella ikki, sigur Gunvá við Keldu, stjóri.
Les eisini: »Haturskampanja« móti Heðin Mortensen við Posta
Hon vil ikki upplýsa, hvør hevur umbiðið, at blaðið verður sett upp og sent til prentingar.
- Eg kann einki siga um okkara kundar, uttan at eg spyrji meg fyri fyrst, sigur Gunvá við Keldu.
Veitst tú, hvør hevur umbiðið dulnevnda blaðið, kanst tú skriva til post@sosialurin.fo
