Fríggjakvøldið á midnátt varð ein drongur ákoyrdur av einum skutara á Tinghúsvegnum í Havn.
Drongurin slapp við smærri snuddum.
Løgreglan í Havn hevur annars havt eitt friðarligt vikuskiftið.
Sunnukvøldið var ein bilførari tikin fyri at koyra við kenning.
Alarmsentralurin fekk um vikuskiftið fráboðan um, at tað var eldur í úti í Tindhólmi. Tað vísti seg, at menn høvdu tikið niður eitt gamalt seyðahús og brent tað, men onkursvegna var kunningin millum hesar og alarmsentralin ikki í lagi.
