Tað var av álvara uppvísningur í finaluróðrinum millum gentubátarnar.
Drekin hevði undan ólavsøku vunnið FM, og í dag vann Drekin sera sannførandi sigur. Drekin var tað mesta av tveimum bátslongdum undan næstu bátunum, og harvið vann Drekin bæði FM og á ólavsøku.
Firvaldur var greitt næstfremst í ólavsøkuróðrinum og tryggjaði sær harvið silvurkrónurnar í FM kappingini.
Fípan Fagra lá leingi á triðja plássi, men í síðstu tøkunum tók Ingibjørg bátin úr Klaksvík, sum í FM kappingini endaði á triðja plássi.
