Tað gongur ikki heilt sum ætlað við almennu svimjingini í Kvívík.
Í dag vita tey í Kvívíkar kommunu at siga, at svimjingin, sum ætlandi skuldi byrja aftur nú í endanum av august, helst ikki byrjar aftur fyrr enn í fyrsta lagi eftir heystfrítíðina.
Orsøkin til seinkanina er sambært kommununi, at arbeiðsfólk í sambandi við umvæling av skiftirúminum hjá kvinnunum hava rent seg í størri trupulleikar enn væntað.
- Tískil tekur arbeiðið drúgvari tíð enn ætlað, veit Kvívíkar kommuna at siga. Einki verður tó sagt um, hvørjir ítøkiligu trupulleikarnir í skiftirúminum eru.
