Sjey dystir í 4. umfari í Premier League hava verið í gjár. Manchester City, Liverpool, Chelsea, Arsenal og Manchester United vunnu øll sermerktar sigrar.
Manchester City vann 4-2 á Crystal Palace. Sermerkt við dystinum var, at gestirnir vóru á odda 2-0 í hálvleikinum, men við einum hattriki frá Erlingi B. Haaland í seinna hálvleiki vendi Manchester City dystin.
Liverpool kom aftur á beint við at vinna heili 9-0 á AFC Bournemouth. Tað er ein tangering av metinum fyri størsta sigurin í Premier League. Manchester United eigur tveir slíkar sigrar. Ein á Ipswich fyrst í 90 unum, og ein á Southampton. Sama Southampton tapti eisini 9-0 móti Leicester City. Merkisvert er, at Mohamed Salah hvørki fekk mál ella átti upplegg.
Chelsea vann 2-1 á Leicester City, sum er í trongum skóm í løtuni. Tó hevði sigurin eina fintu, tí tað var 0-0, tá Conor Gallagher eftir 28 minuttir fekk sítt seinna gula kort. Raheem Sterling og Chelsea megnaðu tó at vinna dystin við einum í undirtal í ein tíma. Hetta eru fyrstu málini hjá Raheem Sterling.
Arsenal hevur fult stigatal og er á odda í Premier League, men eitt skifti vóru teir aftanfyri í London-uppgerðini móti Fulham í dag. Stórspælandi Aleksandar Mitrovic legði gestirnar á odda, men Martin Ødegaard og Gabriel Magalhaes megnaðu at venda dystunum. Seinnnevndi átti sín lut í leiðslumálinum hjá Fulham.
Manchester United vann 1-0 á útivølli móti Southampton. Tað ljóðar ikki av nógvum, men fyri Manchester United er tað ferð í átta dystinum, at tað eydnast. Teir sjey undanfarnu útidystirnar hevur Manchester United tapt. Bruno Fernandes skoraði málið og Casemiro fekk sínar fyrstu minuttir á vøllinum.
Premier League 4. umfar:
Leygardagin:
Southampton – Manchester United 0-1
Brentford – Everton 1-1
Brighton – Leeds 1-0
Chelsea – Leicester City 2-1
Liverpool – AFC Bournemouth 9-0
Manchester City – Crystal Palace 4-2
Arsenal – Fulham 2-1
Sunnudagin:
Aston Villa – West Ham
Wolverhampton – Newcastle
Nottingham Forest - Tottenham
