Í tveimum av sínum fyrstu trimum dystum var Dráttur sera nær við, tí bæði ímóti Fleyr og TB skuldu fimm sett til, áðrenn Dráttur mátti lúta. Men nú kvinnurnar úr Vágum vóru í Kollafirði leygardagin, bragdaði hjá teimum.
At KÍF ikki vildi lata nakað frá sær uttan svørðslag, sást longu í fyrsta setti, ið mátti væl upp um tey 25 stigini, áðrenn Dráttur fekk tikið settið við at vinna 29-27. KÍF, sum undan hesum hevði vunnið tveir teir síðstu dystirnar ímóti TB og Ternuni, svaraði tó aftur og vann annað sett.
Í triðja setti hevði Dráttur munin væl og virðiliga, og hóast KÍF kom nógv betur við í triðja setti, ið var sera javnt til tað síðsta, gjørdist heimaliðið ov stutt og mátti boyggja seg. Sostatt fekk Dráttur fyrsta sigurin og fyrstu tvey stigini í posan.
