Nú er slóðað fyri hjá Joe Biden sum valevni hjá Demokratunum til forsetavalið, eftir at Bernie Sanders í gjár tók seg úr stríðnum.
Joe Biden skal stríðast ímóti sitandi forseta, republikanaranum, Donald Trump, í november.
Fleiri av undanvalunum eru ikki avgreidd enn. Valini eru útsett vegna koronavirus, men skulu tó framvegis avgreiðast, sjálvt um Bernie Sanders í gjár tók seg úr stríðnum og harvið lat Joe Biden gerast valevnið hjá Demokratunum.
Lesið meira um tilgongdina, sum eftir er – mánað fyri mánað – her:
* April:
Týsdagin var undanval í statinum Wisconsin. Atkvøðurnar verða taldar upp í fyrsta lagið 13. apríl.
Í apríl skuldi fleiri undanval var, sum eru útsett. Tó eru tey útsett til seinni í apríl, meðan restin av valunum eru útsett til mai, juni ella juli.
* Mai:
Demokratarnir halda seks undanval afturat í minni statum sum Indiana og Oregon. Onkur teirra verða hildin, fleiri eru útsett.
* Juni:
Týsdagin 2. juni halda teir síðstu av teimum 50 statunum teirra undanval.
* Juli:
13. til 16. juli í Milwaukee, Wisconsin, skuldu Demokratarnir hava hildið flokskonvent. Tað er tá, at forsætisvalevnið endaliga verður útnevnt.
Taðer útsett itl 17. august vegna koronavirus.
Vanliga verður forsetavalevnið útnevnt í døgunum ella vikunum fram til konventið.
* August:
Republikanararnir halda teirra flokskonvent í Charlotte, North Carolina. Tað verður fra´24. til 27. august.
Donald Trump hevur mótvalevni í flokkinum, men roknað verður við at hann vinnur á teimum uttan trupulleikar í undanvalunum og verður útnevndur sum forsetavalevni.
* September:
Fyrsta kjakið millum bæði valevnini verður 29. september í Indiana.
* Oktober:
Tvey kjak afturat millum forsetavalevnini eru á skránni 15. oktober í Michigan og 22. oktober í Tennessee.
Harumframt er lagt upp til kja millum varaforsetavalevnini 7. oktober í Utah.
* November:
Týsdagin 3. november er valdaður í øllum USA. Vinnarin av flestu valmonnum frá ymsu statunum verður nýggjur ella afturvaldur forseti í USA.
Keldur: The New York Times, usa.gov.
/ritzau/
