DR boðar nú frá, at skal X-Factor á skíggjan aftur í 2013, so skulu stórar broytingar gerast í sendingini. DR hevur sent uppskot um broytingar til ovastu leiðsluna í X-Factor konseptinum.
Tað er enn ikki avgjørt, um X-Factor heldur fram komandi ár, tí dómararnir Blachman, Pernille og Cutfather verða ikki partur av sendingini eftir í kvøld, og tað sama er galdandi fyri Lise Rønne, sum er vertur.
Ætlar DR kortini at vísa X-Factor, so kann væntast, at sendingin broytir skap.
- Vit hava sent okkara ynski til X-Factor leiðsluna, og tey taka støðu til tað nú. Vit vilja gjarna hava stórar broytingar í X-Factor, sigur Jan Lagermand Lundme, undirhaldsstjóri hjá DR við danskar miðlar.
Simon Cowell, sum hevur skapt X-Factor, hevur úttalað seg um, at X-Factor fer at broytast.
- Vit fara at síggja spennandi broytingar í X-Factor, men eg vil ikki avdúka tað enn, sigur hann við Access Hollywood Live.
Hetta veit. Eb.dk
