Borussia Dortmund vann í kvøld á Manchester City, og er vinnari av bólki D frammanfyri Real Madrid, ið vann á Ajax. Stóri taparin er Manchester City, sum endaði niðast við bara trimum stigum.
Bólkur D er nógv tann sterkasti í Champions League bólkaspælinum hesaferð. Real Madrid og Manchester City vóru sum meistarar í ávíkavist Spania og Onglandi mettir sum favorittar at koma víðari.
Týska meiastaraliðið, Borussia Dortmund, hevur tó víst spæl á høgum stigi fyrstu seks umførini í Champions League. Teir vunnu í kvøld 1-0 á Manchester City við máli, sum Julian Schieber skoraði í seinna hálvleiki.Manchester City endaði aftast í bólkinum og sleppur ikki so mikið sum við í Europa League.
Real Madrid vann rímuliga greitt á Ajax, sum tó royndi at trýsta nakað seinstu løtuna. Cristiano Ronaldo, og Kaka skoraðu hvørsítt, meðan José Maria Callejón skorað tvey í 4-1 sigrinum.
Champions League:
Bólkur A:
Dinamo Zagreb Dynamo Kiev 0-1 (80.min)
PSG FC Porto 2-1
PSG og FC Porto víðari
Bólkur B:
Montpellier Schalke 04 1-1
Olympiakos Arsenal 2-1
Schalke 04 og Arsenal víðari
Bólkur C:
Milan Zenit 0-1
Malaga Anderlecht 2-2
Malaga og AC Milan víðari
Bólkur D:
Dortmund Man City 1-0
Real Madrid Ajax 4-1
Dortmund og Real Madrid víðari
