Í annaðkvøld klokkan 19.45 spæla KÍ og Malmö FF seinna dystin í øðrum undanumfarinum í Champions League. Dysturin verður leiktur á vøllinum við Djúpumýru í Klaksvík.
Tað verður 38 ára gamli lettlendingurin, Vitālijs Spasjoņņikovs sum verður høvuðsdómari til dystin.
Vitālijs Spasjoņņikovs var fjórði dómari, tá føroyska landsliðið fyrr í summar tapti 0-1 fyri Lettlandi í Baltic Cup. Vitālijs Spasjoņņikovs dømdi 18. november í fjør ein U19 EM-undankappingardyst millum Føroyar og Kroatia. Kroatia vann dystin 2-0. Í dystinum gav Vitālijs Spasjoņņikovs trý gul kort.
Vitālijs Spasjoņņikovs hevur dømt altjóða dystir síðani 2021, so hann hevur nakað av altjóða royndum.
KÍ KLAKSVÍK (FRO) [1-4] MALMÖ FF (SWE)
Dómari: Vitālijs Spasjoņņikovs LVA
Hjálpardómari 1: Raimonds Tatriks LVA
Hjálpardómari 2: Artūrs Šakurovs LVA
Fjórði dómari: Aleksandrs Golubevs LVA
VAR dómari: Kristaps Ratnieks LVA
VAR hjálpardómari: Andris Treimanis LVA
UEFA dómaraeygleiðari: Gerard Perry IRL
UEFA umboð: Rainer Koch GER
