Komandi hóskvøld klokkan 19 skal B36 royna at vinna sær eitt gott útgangsstøðið í tí fyrra dystinum móti Haverfordwest County úr Wales í øðrum umfarinum í Europa Conference League undankappingini.
Tað verður ikki tann mest altjóða royndi dómarin, ið kemur at døma dystin millum B36 og Haverfordwest á ovara vølli í Gundadali.
Talan verður um 29 ára gamla, Snir Levy úr Ísrael.
Snir Levy hevur dømt regluliga í bestu ísraelsku deildini síðani 2020. Hann hevur áður dømt tríggjar Europa Conference League undankappingardystir, men hevur annars bert dømt ungdómslandsdystir og UEFA Youth League dystir.
Í trimum Europa Conference League dystum hevur Snir Levy givið 16 gul kort, men einki reytt kort. So fer hann at halda hagtølini koma eini 5-6 gul kort í dystinum millum B36 og Haverfordwest.
B36 Tórshavn (FRO) - Haverfordwest County AFC (WAL)
Dómari: Snir Levi (ISR)
Hjálpardómari 1: Rostislav Talis (ISR)
Hjálpardómari 2: Snir Arie Weintraub (ISR)
Fjórði dómari: Shalom Ben Avraham (ISR)
UEFA dómaraeygleiðari: Nuno Alexandre Parreira de Castro (POR)
UEFA umboð: Ivan Lekov (BUL)
