Upp Við Hornunum, ið skipa fyri føroysku útgávuni av Wacken Metal Battle hava kunngjørt dómararnar.
Tað verður ein sera royndur føroyskur tungmálmstónleikari, ið stendur fyri føroyska íkastinum í dómarabólkinum. Kári Streymoy fyrrverandi trummari í Týr og Wolfgang hevur játta, at døma millum teir fimm bólkarnar, ið skulu kappast um at umboða Føroyar á Wacken Metal Battle í Týsklandi í summar.
Hinir dómararnir eru Kasper Molin, frá Livescenen, og Wacken Metal Battle Danmark. Jon Roger Pettersen, frá Wacken Metal Battle Noreg og Jörg Düsedau frá Dragon Productions.
Seinni í kvøld verður fyrsta navnið, ið skal kappast kunngjørt.
