Vælumtóktu djóradagarnir í Havnardali, sum eru blivnir fastur táttur á hvørjum sumri, verða í ár leygardagin 30. og sunnudagin 31. mai.
Tað er Føroya Ríðingarfelag, ið skipar fyri djóradøgunum, tá nógvar familjur hava tað fast, at tær fara í Havnardal við børnunum at uppliva fjølbroytt djóralív.
Har eru tá øll djórini, sum vanliga eru í dalinum, umframt nógv onnur forkunnug djór, ið ikki eru at síggja vanliga.
Talan er um eitt sosialt tiltak, sum er bæði uttandura, men eisini innandura í stóru ríðihøllini, ið eisini er hent at hava, um tað ikki viðrar.
