Fyrst bingjan við føroyskum akvavitti, eini 10.000 fløskur, fer eystur um hav til Norra í vikuni.
- Vit hava vunnið fulla distributión. Og tað merkir, at vit koma á hyllarnar í øllum teimum umleið 280 norsku rúsdrekkasølunum, sigur Erling Eidesgaard, stjóri í Dism, sum er sloppið gjøgnum nálareygað hjá norska Vinmonopolet við "Lívsins Vatni".
Lívsins Vatn var fyrsta vøran, ið Dism lat framleiða, og kom í føroysku Rúsurnar í november 2008.
- Hetta er at rokna sum eitt gjøgnumbrot fyri okkara fyritøku, sigur ein fegin Erling Eidesgaard.
Hoyr samrøðu her:
