Atletico Madrid og Diego Simeone vunnu í kvøld fyrru hálvfinaluna í Champions League á Bayern Munchen og Pep Guardiola. Úrslitið bleiv 1-0.
Fyrr í dag fekk karismatiski venjarin hjá Atletico Madrid, staðfest eitt tríggjar dystir langt leikbann í sponsku landskappingini. Hann stóð tó við róðrið, tá Atletico Madrid í kvøld knúgvaðu týsku meistarunum úr Bayern Munchen.
Einsamalla málið skoraði Saul Niguez, tá ellivu minuttir vóru spældir. Í seinna hálvleiki raktu bæði liðini træverkið. Fyri Atletico Madrid var talan um framúr álop, har Fernando Torres sendi bóltin á stongina.
Í gjár spældu Manchester City og Real Madrid málleysan javnleik.
Champions League hálvfinala:
Atletico Madrid – Bayern Munchen 1-0 (1-0)
1-0 Saul Niguez, 11
