Løgreglan hevur nú lagt eitt mál til síðis, ið snýr seg um ein amerikanskan ferðamann á Svalbard.
Maðurin, sum koyrdi aftastur, men saman við fleiri øðrum og eisini einum ferðaleiðara, koyrdi niður í eina stóra rivu í kavanum.
Sambært løgregluni, sum hevur kannað málið, er ikki ávíst, at nakað brek var við kavaskutaranum, ei heldur, at maðurin hevði havt heilsutrupulleikar á ferðini.
Haraftrat var veðrið gott, eins og koyrilíkindini vóru góð, tá vanlukkan hendi.
- Okkara niðurstøða er, at vanlukkan hevur staðist av einum menniskjansligum mistaki undir koyringini. Tískil er málið nú lagt til síðis.
Tað sigur løgregluadvokaturin, Magnus Rindal Fredriksen, sum starvast á sýsluskrivstovuni á Svalbard.
Amerikumaðurin, sum læt lív, var í sekstiárunum.
- Ferðalagið, sum var á veg úr Longyearbýnum til Barentsburg, taldi tilsamans sjey fólk á kavaskutarum.
Tað er tíðindastovan NTB, sum ber hesi tíðindi í morgun.
