Útlendskir miðlar skriva í dag, at talið av deyðum eftir álopið á ein skúla í Kabul í Afghanistan um vikuskiftið nú er komið upp á 85.
Tað upplýsir ein afghanskur tænastumaður fyri CNN. 147 fólk vórðu særd í álopinum.
Tað var ein sterk bilbumba, sum brast uttan fyri skúlan, tá nógvir skúlanæmingar vóru á veg heim seinnapartin leygardagin.
Tá næmingarnir, sum eftir vóru inni, lupu út í panikki, brast ein bumba aftrat.
Eitt eydnavitni upplýsir fyri Reuters, at við undantaki av 7-8 fólkum, vóru øll tey raktu skúlagentur, sum vóru á veg til hús eftir loknan skúladag.
