Hvítu Húsini eru í døpurhuga. Blóð og heili ræða, og tí skal ein støða takast, um myndirnar av deyða terroristinum eru ov ógvusligar fyri almenningin. Tað er eitt dilemma fyri Hvítu Húsini. Á aðrari síðuni við stjórnin í USA fegin prógva fyri umheiminum, at Osama bin Laden veruliga er deyður. Á hinari síðuni verður mett, at myndirnar av dripna terroristinum eru ov ógvusligar fyri almenningin at síggja.
Tað sigur sv-støðin, ABC.
Osama varð mánanáttina dripin av amerikanskum servandum Navy Seal hermonnum í býnum Abbottabad í Pakistan.
Hann varð raktur av skotum, millum annað yvir vinstra eyga. Tað skal vera hetta skotið, sum hevur gjørt myndirnar so ræðuligar. Sambært ABC sæst bæði blóð og heili á myndunum av deyða al-Qaeda leiðaranum.
Eftir drápið var bin Laden sigldur út á havið við USS Carl Vinson, og líkið søkt í havið. Ein talsmaður fyri amerikansku stjórnina sigur, at ein virðilig seremoni, har líkið eitt nú varð vaskað, varð hildin fyri Osama bin Laden.
