?Deyðans bólkur? nevna fólk bólkin hjá Italia, Fraklandi, Hollandi og Rumenia. Talan er um 4 góðar, og tekniskt sterkar fótbóltstjóðir, og tora nógvir fótbóltsserfrøðingar ikki at taka dagar ímillum hvør kemur víðari úr bólkinum. Kl. 17 byrjar dysturin millum Frakland og Rumenia í Zurich. Rumenska álopsstjørnan, Adrian Mutu er tøkur, og hann kennir seg vísan í, at Rumenia kann fáa eitt gott úrslit ímóti Fraklandi, tí franska liðið hevur nógvar skaddar spælarar. Miðvillarkempan hjá Fraklandi, Patrick Viera er ivasamur, og bíðar franski venjarin, Raymond Domenech til allarseinastu løtu at boða frá, um Matthieu Flamini byrjar inni í kvøld. Thierry Henry og Ribery eru eisini ivasamir. Rumenski Adrian Mutu sigur: ?Vit vilja gera okkara besta fyri at fáa at gott úrslit ímóti Fraklandi, so vit hava eitt gott útgangsstøðið ímóti Hollandi og Italia.? Kl. 19.45 spæla Holland og Italia í Bern. Hollendski landsliðsvenjarin veit ikki at siga enn, hvørjar spælarar hann fer at brúka á miðvøllinum. Van Basten hevur eisini fingið ein eyka trupuleika, nú tá Arjen Robben bleiv skaddur undir venjing. ?Hetta er ógvuliga harmiligt fyri Robben, og ógvuliga harmiligt fyri liðið. Tí vit hava heldur ikki ein annan vong tøkan, nevnliga Ryan Babel.? sigur Marco van Basten. Hjá Italia vónar Christian Panucci at verða klárur aftur, aftaná ein skaða í knænum. Málverjin Gianluigi Buffon verður liðskipari hjá Italia. Vanligi liðskiparin, verjuleikarin Fabio Cannovaro mátti geva avboð til EM-endaspælið.
