Í 18 ár sat ein amerikanari og bíðaði eftir at blíva avrættaður. Nú fær hann endurgjald, tí hann var ósekur. Tann 40 ára gamli John Thompson bleiv dømdur til deyða fyri at hava myrt hotelstjóran Ray Liuzza í 1984.
Ætlanin var, at hann skuldi takast av døgum í 1999, men tað eydnaðist verjum hansara at fáa fatur á einari frágreiðing hjá løgreghluni, sum vísti, at John Thompson var ósekur.
Kortini tók tað fleiri ár at fáa John Thompson fríkendan, men nú er avgerðin fallin. Samstundis fær hann 80 mió. krónur í endurgjaldi.
