Hægsti rættur í Pakistan hevur staðfest avgerð sína um at seta Asiu Bibi í frælsi, skrivar Open Doors Føroyar á facebookvanga sínum.
Í oktobur dømdi Hægsti Rættur, at Asia Bibi var ósek í ákærunum móti sær um gudsspóttan móti Allah, men víðgongdir religiøsir muslimar kærdu avgerðina og skipaðu fyri harðligum mótmælisgongum. Men teir víðgongdu taptu kæruna og Asia er nú endiliga fræls.
Sambært høvuðsrættardómaranum kundi Hægsti rættur ikki vísa á nakran veikleika í avgerðini um at fríkenna Asiu Bibi.
Asia Bibi er enn í varðhaldi á loyniligum stað, fyri at verja hana. Nær ella um hon yvirhøvur fer úr landinum er enn óvist.
Asia Bibi bleiv handtikin í 2009 og skuldsett fyri at hava spottað Muhammed, profet, í einum orðadrátti við aðrar kvinnur. Hon bleiv funning sek í ákærunum og dømd til deyða.
Í 2015 fekk hon loyvi at kæra deyðadómin, og í 2018 gav Hægsti rættur í Pakistan henni viðhald.
