Hvørjar vónir hevur tú um, at Suðuroyggin fer at fáa fast samband við meginøkið?
- Tað er trupult at spáa um framtíðina, men eg havi góðar vónir um, at vit fara at fáa fast samband.
Tað sigur Delmar Tausen, borgarstjóri í Hovs kommunu.
Hvønn týdning fer ein undirsjóvartunnil at hava fyri Suðuroynna?
- Hann kemur at hava stóran týdning.
Hvør verður framtíðin hjá Suðuroynni, um oyggin ikki fær fast samband við meginøkið?
- So koma vit at halta aftaná restini av landinum, eins og vit gera nú.
Hevur tú eitt boð uppá, nær ein undirsjóvartunnil undir Suðuroyarfirði kann gerast veruleiki?
- Nei, tað havi eg ikki, sigur Delmar Tausen, borgarstjóri í Hovs kommunu.
