Ein 17 ára gamal drongur er skuldsettur fyri neyðtøku og fyri at hava dripið eina 13 ára gamla gentu við at sláa hana.
Tað kom fram í grundlógaravhoyring í Rættinum í Hjørring nú seinnapartin.
Tann 13 ára gamla genta var í gjárkvøldið funnið illa særd í Hjallerup norðan fyri Aalborg í Danmark.
Tað var mamma gentuna, sum ringdi eftir hjálp, eftir at hon hevði funnið til illa skaddu gentuna nærindis eini hitastøð í Hjallerup.
Tá løgreglan kom á staðið, funnu tey særdu gentuna. Lív stóð ikki til at bjarga.
Tann 17 ára gamli noktar seg sekan í ákæru um dráp, men viðgongur seg sekan í harðskapi við deyða sum fylgju.
Tað upplýsir verjuadvokaturin hjá dreinginum.
Tað tann 17 ára gamli varð førdur inn í rættarsælin í rættinum í Hjøring, vóru hendurnar spentar fastar í eitt belti um miðjuna.
Ein løgreglumaður loysti hendurnar eftir umbøn frá verjanum.
Hann hugdi ørkymlaður kring í ølinum og sendi eitt nikk til ákæran í hinum endanum av hølinum.
Eftir at skuldsetingin varð lisin upp, bað verjin um stongdar dyr.
Tí ynskinum eftirlíka dómarin grundað á unga aldurin hjá gerningsmanninum og fyri kanningararbeiðið, sum er í gongd.
Stongdar hurðar merkja, at fjølmiðlarnir vórðu koyrdir á dyr.
/ritzau/
